“الضرايب مصلحتك عند أم التيتي” … شوفوا الفيديو اللي فوق , دا لمجموعه من الشباب المصري .. طول عمر المصري من أيام الفراعنه لحد دلوقتي كل ما ربنا يبتليه بديكتاتور و لا مصيبه تركز على قلبه و قلب البلد يروح مطلّع عليه نكته و يتمسخر بالديكتاتور و بالظروف , الشباب دول و اللي معرفهمش و محدش يعرف هما مين إمتداد للي طلّع نكتة على انور السادات لما قالوا ” جمال عبد الناصر طِلع للسدات في المنام فقاله السدات أبشر يا جمال فقد عبرنا القناة و حطما خط بارليف ففرح جما عبد الناصر و قاله دي حاجه ترد الروح – فالسادات اتضايق و قاله إستنى عندك ما بعد كدا جت الثغرة “. و يقال أن انتفاضة الشعب المصري في 1977 بدأت بالنكات على غلاء الأسعار و على إنفتاح السادات و تجاهل الحكومة لهذه النكات كانت نتيجته ان الشعب إنفجر في الآخر … انا مش بربط بين اللي بيحصل دا و بين 77 و لا بتريق على انور و لا جمال إلى الجحيم هما الأتنين … بس فكرة ان شباب لاهو ناشط سياسي و لا مدِّون و أعمارهم كما هو واضح في الفيديو لا تتعدى ال 19 سنه (مع العلم ان الفيديو متصور بتكنيك و في مونتاج و مبذول فيه مجهود يعني) دا معناه إيه غير ان الناس بتغلي و مش بالعه النصبايه اللي حسني و كلابه بيعملوها علينا … إلى الأمام ياشباب !!!