Facebook مره أخرى الفيس بوك
ترددت كثيرا قبل ان اكتب عن هذا الموقف و لكن هذه المره هي كارثه ولايمكن السكوت عنها ,
واحد من المزايا التي تمتع بها الفيس بوك و تميز بها عن غيره من مواقع الشبكات الاجتماعيه هو التطبيقات التي توفر للمشترك ان يضيف بعض الخدمات او الالعاب لصفحته الشخصيه , تضمنت هذه التطبيقات تقريبا كل شئ و جمعت مابين الالعاب و الخدمات حتى و التطبيقات التي تتضمن محتوى جنسي و ايضا تطبيق يتيح إضافة الكتاب المقدس او القرآن لصفحتك الشخصيه و من هنا بدأت المشكله
بطبيعتنا الانسانيه متدينين او غير متدينين ان مع حلول شهر روحاني مثل شهر رمضان ان نتبع اي طقوس كي نشعر بروحانيته , البعض يأخد المصحف معه في الخروج و الدخول حتى و إن كان لن يقرأ فيه حرف طوال اليوم او ان يصطحب سبحه في يده تكن في شكل اشبه بالماديليا ” كي يعيش هذا الجو من الروحانيه العطره التي نحب جميعا ان نتمتع بها في شهر رمضان حتى و لو بالكذب “
الصوره التاليه لأحد الصفحات الشخصيه على الفيس بوك و هو لشخصيه مشهوره
عند دخول شهر رمضان حب ان يستمتع بهذا الجو الروحاني على صفحته في الفيس بوك ايضا فأضاف التطبيق الذي يتيح له ان يضيف بعض الآيات من القرآن الكريم في صفحته حيث انه مسلم و كما ذكر في خانة الديانه
Religious Views: moslim tab3an
مسلم طبعا كما لو كانت الديانات الاخرى سبابه او تهمه ينفيها عن نفسه , المهم ان هذا “المسلم طبعا ” عندما اضاف تطبيق القرآن الكريم نسى ان يزيل تطبيق قديم اسمه
مُزَّة اليوم بالعاميه , ولجل حظه السئ لا اعلم او نيته الغير طيبه و علمها عند اللي خلقه daily baby
ان التطبيق الذي يوقفر له القرآن الكريم كان موقعه في الصفحه مباشرةً تحت التطبيق الذي يوفر له صوره لمزه بالبيكيني كما يظهر في الصوره
فلا لا اجد اي كلمات تذكر
نلوم الغرب على انهم يدنسون القرآن و الكتب المقدسه و نتشدق بالكلمات مهاجمتا لهم
و ها نحن ندنسه بأيدينا , الذي تسبب في هذا المنظر هو ” مسلم طبعا ” و هو شخصيه معروفه ممثل في اولى خطواته الفنيه
ولكن لا تندهش , فهذه هي النتيجه المتوقعه لإقحام الدين في كل ما هو تافه كان او قيم
و انا حينما اقول الدين لا اقصد الدين بمعنى التدين و الذي يوجد داخل صدورنا بنسب متفاوته , لا فأنا اقصد الدين بمعنى رموز الدين
لا اجد تفسير لإدخال الدين ” الكتب المقدسه ” لى مواقع الانترنت مثل الفيس بوك , هل هذا الاقحام هو اللي هيحكم الشباب و يمنع الاباحيه ؟
هو اللي هيزيد المؤمن إيمان ؟ لا اعرف ماهية الغرض و لكن ما اراه قد تحقق هو شئ واحد
ان القرآن في حالتنا هذه هو الخاسر الوحيد , و الدين بشكل عام هو الخاسر الاكبر في كل ما نقحمه فيه من السياسه لأتفه المجالات
الأزمة يا جابر مش في الكتب المقدسة وإقحامها في الصفحات الشخصية كبروفايل الفيسبوك والمدونات الشخصية وما شابه
الكارثة في الزدواجية الفصامية المريضة لدى قطاعات ضخمة من المجتمع وصاحبنا هذا هو مثال لهذه القطاعات
الأزمة مش في القرآن طبعا على فيسبوكه
الأزمة في إنه عايز يجمع بين القرآن والأباحة في عمود واحد وفي أسلوب حياة واحد
ولعل المثال الخاص بالفنان اللي أشهر منه واللي كان من تلاميذ عمرو خالد وكان مستشيخ فيها وبيعمل برنامج ديني ولقيناه متورط بالاعتراف بعلاقة زنا بفتاة ما… وقد اعترف بالزنا ولم يعترف بابنته منها!!
هذا هو التدين المظهري المقيت الذي يجب أن نشن الحرب ضده بكل شراسة
الحقيقة أنا مش معاك في تغطية الاسم والصورة بتاعة الكلب ده… رأيي على الأقل تعمل له رابط على كلمة شخصية مشهورة تاخد الناس على صفحته وخليه يتجرس التجريس اللي يستحقه
بس تدوينة في الجون يا رفيق
تخيل لما نظام التصنيف القذر بتاع مجتمعنا يصنف الأخ الداعر ده على أنه “مسلم طبعا” ويصنفونك أنت لى أنك “شيوعي زنديق”… أي عبثية تلك التي نحياها؟؟؟
تعليقى من نفس تعليق أ.مينا
و إعتراضى الوحيد على الـ conclusion
اللى حضرتك وصلت له فى الآخر
اللى هو :
ان القرآن في حالتنا هذه هو الخاسر الوحيد , و الدين بشكل عام هو الخاسر الاكبر في كل ما نقحمه فيه من السياسه لأتفه المجالات
بصراحة أنا لو أتبعت نفس المنهج ده المفروض أكون ملحد
لأن الدنيا ديه أساساً كلها معفنة
و وجود الأديان فيها بيسىء إلى الأديان جميعاً
بصراحة ده رأيك
لكن أنا رأيى أن اللى مفروض يتعمل مش إنى أشيل البرنامج بتاع الكتب المقدسة من الفيس بوك
لأ إنى أشيل daily babe
لأنها بتسىء إلى الدنيا والدين
ومفروض بقى أدى حتة وعظ أنا دلوقتى
واقول الإباحية و اليهود وال… إلخ
والكلام الحمضان ده
وبصراحة أنا طبعاً مش هاشيل البرنامج ده من الفيس بوك (لو كنت انا مدير الفيس بوك)
بس مش عاوز أشوف واحد حمار حاطه وحاطط القران جنبه
برضه أنا مختلف مع العنوان
دعارة إلكترونية على آيات قرآنية!
لأنه أكيد البنى آدم ده …
ولا بلاش أنا كنت صايم
ومكانش قصده تقريباً
مينا زكري
يا رفيق مينا مش هنستفيد حاجه لما يتشتم ولا هيغير منه حاجه دا ” مسلم طبعا”
و اشكرك على الدعم يا زعامه
محمود سعيد
انت مفهمتش مقصدي من كلمة الدين
انا اقصد الدين الرمز اننا نحشر رمز الدين في اعمال تدنسه في الاخر
انما الدين المعامله او الدين المقصود منه القناعه اللي عندك و عندي و دي حاجه لازم تكون خاصه وشخصيه بينك و بين ربك
انما ترفع رموز الدين لمصالح او للعب او رياق
الدين هو اللي هيخسر
أنا أصلاً البتاع ده ماعجبنيش من الأول
مع إني مشتركة فيه وكل حاجة بس مش طايقاه
أصله مش أكتر من حتة الناس تفرح بنفسها شوية فيها
مجرد وسيلة جديدة للواحد إنو يكون حاجة هو مش قادر عليها في الحقيقية
ماشي مع الهيصة وخلاص…
مسلم طبعاً دي تشوف منها كتير…والمزز بردو
ماهو لازم يظبط نفسه مع كل الفئات
القرآن مش خسران ولا حاجة…إحنا اللي خسرنا…إحنا اللي بنضيع في الجهل الديني ده اللي خلى الناس تبص على المظاهر والشكليات وتحط الدين في كل حتة عشان تضحك على نفسها وعلى الناس بيها
ومش هيتعدل حالنا إلا لما يقدر واحد يقول أنا حر بديني مهما كان ومايقيموش عليه الحد
ساعتها هتلاقي المزة مع نفسها والقرآن مع نفسه
فعلا شيء سخيف ومقزز
يا يسارى
إحنا ناس عندها شيزوفرينيا رهيبه و جهل أكبر.
بدل ما كل واحد يعترف إنه بنى آدم و معرض للغلط زى أى بنى آدم، كله دلوقتى عامل فيها قديس و هوه أصلا أبعد ما يكون عن القداسة لأنه فى النهاية بشر
للأسف يا صديقى، فالتجارة الرائجة تلك الأيام هى الدين، حتفضل تسمع كتير من الناس حوليك ألوان كتير من إستخدام الدين لكسب مادى أو حتى تعاطف معاهم، من اول لعيبة الكورة لغاية الفنانين مرورا بكل طوائف الشعب ده
التجارة بالدين، هى التجارة الرائجة فى بلدنا و للأسف حتفضل رائجة كتير لسه
تحياتى لك، و بطل حرق فى دمك يا أخى، أنا إبتديت اخاف عليك
BeLiEvEr
والله دا اللي حسي اتنبح و انا بقوله
الناس بتاجر في الدين
الاخوان بيتاجروا بالدين
شيخ الازهر بيتاجر بالدين
احمد الفشاوي تاجر بالدين
عمرو خالد بيتاجر بالدين
و في الاخر بيريحوا دمغهم و يقولوا دا شيوعي ملحد
أحه