هجوم إخواني مرتقب على وش الكتاب
دي مش إشاعه و لا تريقه من واحد يساري على الاخوان
دا مضمون مجموعه من الرسائل المتبادله على حوائط وش الكتاب
Facebook Walls
الرسائل كانت تضمن نقاش عن دخول بعض الاخوان للفيس بوك رافعين شعار و اعدوا في صفحاتهم الشخصيه , كل هذا من وجهة نظري حرية شخصيه و لكن ان يكون الانطباع السائد عن مشاركة الاخوان المسلمين لأي نشاط على الشبكة الالكترونيه او بشكل ادق في المجتمعات الافتراضيه مثل الفيس بوك هو انهم يفرضون نفسهم كي يعلنوا ها نحن في كل مكان و هذا لا يثير غضبي في شئ و إن كانوا مؤخرا يفعلونها بشكل استفزازي , و لكن الامر الذي يثير غضبي و استنكار الجميع هو انهم في مثل هذه المشاركات يعلنون ان وجودهم هو لضبط الموازنه !!!
هذا ما يذكر على لسان أحد المدونين المنتمي للإخوان المسلمين عندما تحدث عن دخول المدونين الاخوان لعالم التدوين ” الذي بدأه مجموعه من اليسارين و العلمانين ” كما يرى , و نفس الحال ينطبق على الفيس بوك , فغدا نراهم معلنين عن هدايا سيفين متقاطعين منقوش اسفلهم ..”وأعودا”
على بوكات بقى
مشكلة الاخوان فى شعارهم بتاع السيوف
شعار الاخوان المسلمين كان ناجح جدا لما نظم الاخوان المسلمين خروج مجاهديين لحرب فلسطين ودا كان من انجح اهداف الجامعة
نيجى بقى للمرحلة الحالية وهى دخول الجماعة المعترك السياسى و ماظنش ان الجماعة حتستخدم السيوف فى السياسة
بالنسبة لموضوع الفيس بوك بالرغم من انه فى المقام الاول موقع شخصى فكرتة الاساسية انه يجمع الاصحاب الا ان انا شايف انها أرض جديدة من حق الجميع انهم ينشرو افكارهم من خلالها
احلى حاجة فى الاخوان تنظيمهم
بصراحة مش قادر أفهم …
ده على أساس أن نوع البنى أدمين ذكر وأنثى وإخوان مسلمين
ولا على أساس أن فى كوكب المصحف والسيفين لما تكسر شمال كوكب الأرض وأنت طالع من عند القمر كده ……
مش بعيد عالم من العلماء يكتشف بكرة ، إن فى إخوان مسلمين بيشيلوا موبايل …..
كل شىء جايز ….
لأ بجد مبتريقش بس مش فاهم إيه وجه الغرابة فى الموضوع
طيب أنا على الفيس بوك من سنتين ولا حاجة ، وإخوان مسلمين
والله انا مش بهاجم الاخوان في الموقف دا ( انا بهاجمهم في حجات تانيه كتير ههه )
دي فعلا حرية شخصيه و مش من حق حد التدخل فيها
بس انا بنقل اللي انا شوفته
ان خلاص بقت الواجهه الاعلاميه للإخوان انهم بيدخلوا في كل حته عشان يعملوا الموازنه ( فتح إخواني يعني عشان هيا الحكايه ناقصه )
ادخل على الفيس بوك ادخل التدوين ادخل الخماره اللي انا بسكر فيها بس مترجعش تعلن انك داخل توازن الوجود البلا بلا بلا بلا …
لأن فكر الفتوحات اللي الاخوان ماشيه بيه دا فكر عبثي
و صدقوني بتتسببوا في خسره كبيره للدين في كل يوم و كل مجال تعلنوا وجودكم فيه
لأانه وجود لمجرد الوجود و الاعلان و الدين هو الخسران
اوعى يا جيبارا يكون السيفين دول
يكونوا بتوع تروتكسى ولا لينين
علشان كده انت زعلان
:)))
والله العظيم انت عسل
بكرة تفتح الحنفية تلاقى صوت يقولك وأعدوا
عادى باه
هههههههههه
على بوكات باه
برضه مش فاهم
إيه المطلوب منى أعمله يعنى
قصدك يعنى بلاش أعلن هويتى ديه مثلاً
طيب والله أنا نفسى مبعلنش حاجة
يمكن فى ناس تانية
بس على أى أساس مش فاهم حملت تواجدهم فى كل مكان أنه الفتح
ولو روحت الخمارة هتلاقيهم
لو منهم بتوع شرب يبقى أكيد لو روحت الخمارة هتلاقيهم
أمال عاوزهم يشربوا فين
لما يحبوا يكتبوا بيعملوا مدونات ولا مفروض يكتبوا فى كرراسيهم يعنى ولا إيه
مين قال أن الفكرة هى اللى أنت بتسميها الفتح
مش مطلوب منك تعمل اي حاجه اكتر من حياتك و إختياراتك الشخصيه
اللي ظهر في تليفون قناة الحره متحدث عن لسان الاخوان المسلمين في عالم التدوين و قال انكم دخلتوا عشان تعادلوا الموازنه مع اليسارين و العلمانين اللي بدأوا التدوين
اظهر دخولكم لعالم التدوين في صورة الفتح الاخواني
و انه حاجه منظمه كما لو كانت قياداة الاخوان قالت يلا ياشباب دونوا شويه عشان نظهر قدام العلمانين